വര്ണ്ണ കടലാസ്സുകളും തുണികളും പൂക്കളും
മേലാകെ വരി പുതച്ച ആ ഭ്രാന്തന്
മറ്റുള്ളവരാല് ഭ്രാന്തന് എന്ന് മുദ്രയടിക്കപെട്ടവന്
മനസ്സിലെ സന്തോഷം പൊട്ടിചിരികളായി
പുറംതള്ളുന്നവന്
മനസ്സിലും ശരീരത്തിലും
വര്ണങ്ങള് നിറചവന്..
................................................
എനിക്കോ ?
മനസ്സിലും മുന്നിലും
മൂന്ന് വര്ണ്ണങ്ങള് മാത്രം സ്വന്തം...
പുസ്തക താളിന്റെ വെളുപ്പും
അതില്നിന്നും എന്നെ തുറിച്ചു നോക്കുന്ന
അക്ഷരങ്ങളുടെ കറുപ്പും...
പരീക്ഷ കടലാസിലെ
കുറ്റപ്പെടുതലിന്റെ ചുവപ്പും മാത്രം.
മറ്റെല്ലാ വര്ണങ്ങളും കൈമോശം
വന്നവള് ഞാന്...
........................................................
ഒരു ദിനമെങ്കിലും
ആ ഭ്രാന്തന്റെ മനസ്സും
ആ മനസ്സിലെ വര്ണ്ണ പ്രപഞ്ചവും
എനിക്ക് കടം കിട്ടിയിരുന്നെങ്കില്.....................